TEDxУЛААНБААТАР 2015 ТУХАЙ
Монгол улс өөрийн гэсэн хөгжлийн хэв маяг, сорилт бэрхшээлтэй учирч хувь заяагаа залуурдах амаргүй замыг туулж байна. Үүний зэрэгцээ “улс төрийн хямрал”, “эдийн засгийн хямрал” гээд бидний амьдралд хэдийнээ улиг болтлоо хэвшсэн үгийн сан бүрэлдэв. Дээр нь нийгмийг цочроосон, олон нийтийн санаа бодлыг үймүүлсэн сөрөг мэдээллүүд ч сонсдох нь энгийн үзэгдэл болж хүмүүс ч гэгээлэг мэдээнээс илүү, хар бараан зүйл рүү хошуурах хандлага ажиглагдаж байна. Харин нийгэмд болж бүтсэн, зөв эерэг мэдээллийн урсгал хэдий чинээ их байх тусам төдий чинээ олон нийтийн хандлага бүрддэг нь зүй тогтол. Тэгвэл бидэнд юу хамгийн их хэрэгтэй вэ? Соёл хүмүүжил, ухаарал сэхээрэл, зөв суртахуун, эерэг мэдээллийг олон түмэнд түгээх, тийм үнэт зүйлийг хуваалцах тархаах нь ус агаар мэт чухал байна. Энэ жилийн TEDxUlaanbaatar 2015 арга хэмжээ "Positive Mind" буюу ЭЕРЭГ СЭТГЭЛГЭЭ сэдвийн дор 2015 оны 06-р сарын 06-ны өдөр Төрийн Тусгай Хамгаалалтын Их Тэнгэр Цогцолборт бүтэн өдрийн турш 2000-н оролцогчтой зохион байгуулагдах гэж байна. Эерэг сэтгэлгээнд та бэлэн үү?
ХААНА: Их Тэнгэр цогцолбор
ХЭЗЭЭ: 2015.06.06
ЦАГ: 09:00-18:40
ХУРААМЖ: 38.900₮
Үйл ажиллагааны хөтөлбөр, илтгэгчдийг удалгүй зарлах болно.