Алтан ураг
Үндэсний рок хөгжмийн хамтлаг Алтан ураг нь 2002 онд байгуулагдсан бөгөөд тус хамтлаг нь Монголын уламжлалт хөгжмийг орчин үеийн урсгалтай хослуулан тоглодог. Хамтлагийн нэр Алтан ураг нь “Хааны удам” буюу Чингис хаан болон түүний залгамжлагчдын үр хойч гэсэн утгыг илэрхийлдэг. Алтан ураг хамтлаг нь Монгол соёлыг дэлхий дахинд таниулах, Монгол залуучуудад уламжлалт хөгжмийг танилцуулах, сурталчлах зорилготойгоор уран бүтээлээ туурвиж байна. Тус хамтлагийн долоон гишүүд үндэсний хөгжмийн зэмсгүүдээр гайхалтай чадварлаг тоглодог. Үүнд: морин хуур, их хуур, бишгүүр, ёочин, цохиурт хөгжим зэрэг хөгжмийн зэмсгүүд багтана. Алтан ураг хамтлагийн дуучид нь уламжлалт болон сонгодог Монгол хөгжмийн чиглэлээр мэргэшсэн бөгөөд хөөмий ба уртын дуу дуулдаг. Тус хамтлаг нь “Монгол” уран сайхны киноны дууг тоглосон юм.