Чулууны Ганхуяг 1991 онд Монголын Хөрөнгийн Биржид үйл ажиллагааны танхимын ахлахаас ажлын гараагаа эхэлсэн бөгөөд жилийн дараа гэр бүлийнхээ худалдааны бизнест оролцох болсон юм. Тэрээр 1997 онд Будадештийн Эдийн Засгийн Их Сургуулийг төгсч ирснийхээ дараа Монгол Банкны Хяналтын Хэлтэст орж ажилласан. Тэрээр 1998 онд НҮБ-ын Хөгжлийн Сангийн MicroStart туршилтын төсөлд санхүүгийн менежерээр орж ажилласан бөгөөд дараа нь үйл ажиллагааны менежерийн үүрэг гүйцэтгэх болсон. Хожим нь тэрээр Монголын анхны банк бус санхүүгийн байгууллага X.A.C. (Хөгжлийн Алтан Сан)-ийн гүйцэтгэх захирлаар ажиллах болсон. 1999 онд X.A.C. НҮБ-ын Хөгжлийн Сангаас хөрөнгө оруулалт хийсэн Говийн Эхлэл ХХК-тай нэгдэн ХасБанкийг үүсгэн бий болгосон. Чулууны Ганхуяг ХасБанкийг үүсгэн байгуулснаасаа хойш 2009 он хүртэл CEO-аар ажилласан юм.

Тэрээр 2007 оны 6-р сард Төв Ази, Зүүн Европын Бичил Санхүүгийн Төв болон Шинэ Тусгаар Улс буюу New Independent States (MFC)-ын удирдах зөвлөлөөр сонгогдсон. Мөн тэрээр 2006 оноос хойш Бүгд Найрамдах Унгар Улсын Хүндэт Консулаар ажиллаж байгаа бөгөөд 2010 оны 1-р сараас Монголын Оюутны Холбооны Ерөнхийлөгчөөр ажиллаж байна. 2009 онд Дэлхийн Эдийн Засгийн Форумаас Чулууны Ганхуягийг Дэлхийн Залуу Удирдагчаар нэрлэсэн юм.

Чулууны Ганхуяг 2010 оны 12-р сард Монгол улсын Сангийн дэд сайдаар томилогдохоосоо өмнө ТэнГэр санхүүгийн нэгдлийн СЕО болон Монгол Улсын Ерөнхий Сайдын эдийн засгийн бодлогын зөвлөхөөр ажиллаж байсан юм.