Пүрэвийн Эрдэнэдалай
Пүрэвийн Эрдэнэдалай (Eddie) нь Монголын "Уухай" Skateboard-ын Холбоог байгуулаад жил гаруй болж байна. Энэхүү холбоо нь 50 гаруй гишүүдтэй бөгөөд гол зорилго нь хүүхэд залуучууд ба өсвөр үеийнхний спорт урлагийн чадварийг хөгжүүлэх, сайжруулах бөгөөд аливаа боловсролын буюу хөгжлийн чиглэлээр төсөл, хөтөлбөр боловсруулан, түүнийгээ зохион байгуулж хэрэгжүүлдэг. Бага наснаасаа skateboard-ийг сонирхож одоогоор 10 жил гулгаж яваа ажээ.
2004 оноос АНУ-ын Нью-Йорк хотноо амьдрахаар очиж, тэндээ ерөнхий боловсролын сургуулиа төгссөн. Тэрээр хоол хийх сонирхлоо даган тогоочийн мэргэжлийг сонгон, Нью-Йоркийн кулинарийн сургуульд явж, Италид үргэлжлүүлэн дадлага хийсээр ирсэн. Түүнчлэн Нью-Йоркд амьдарч байх хугацаандаа өндөр зэрэглэлийн зоогийн газруудад туршлага солилцон, сурсан зүйлээ бататган 5 жил ажилласан. Түүний цаашдын зорилго бол Улаанбаатар хотдоо өөрийн ресторан нээх ажээ.